S.102 LOUVÉMO-LA INFINDA PIEDADE (m)

 

 

LOUVÉMO-LA INFINDA PIEDADE (S.102)

(Xabier Méndez)

 

Louvémo-la infinda piedade,                                                                                        

e a forza do noso Deus,                                                                                                         

pois salvándonos da morte,                                                                                                            

El nos deu a ledicia da vida.

 

- Glorifica a miña alma, ó teu Señor,                                                                                       

non te esquenzas do bem que El che fixo,                                                                     

pois perdóache decote os teus pecados                                                          

alonxando da morte a túa vida,                                                                                      

e coroándote de gracia e de agarimo.

 

- O Señor sempre é xusto nas súas obras:                                                                       

El defende os que están asoballados:                                                                               

El ten pra nós entrañas de Pai,                                                                                        

non anda decote rosmando contra nós,                                                                           

nin se encabuxa cando de El nos esquencemos.

 

- Como o Ceo se levanta sobre a terra,                                                            

como dista oriente do occidente,                                                                                    

moito máis alonxa El as nosas faltas,                                                                               

pois El ben coñece a nosa feitura;                                                                                        

ben sabe El que nós de barro fomos feitos.

 

-Puxo El o seu trono no Ceo:                                                                                                    

é o dono de todo o Universo:                                                                                             

que o louven as obras das súas mans,                                                                         

pois todas son froito do seu amor;                                                                                      

ti, miña alma, glorifica ó teu Señor.

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.