NON VOS PERDADES NA NOITE 1

 

NON VOS PERDADES NA NOITE

(HIMNO DA ASEMBLEA CATEQUISTA)

 

TRAEDE PRA QUEN ESCOITE     

PALABRAS DE LUZ.                               

NON VOS PERDADES NA NOITE,

SEGUIDE A XESÚS (3v.)

TRAEDE PRA QUEN ESCOITE     

PALABRAS DE LUZ.                              

 

- Unha semente de fe                                             

en nós prendeu algún día                                          

e medrará mentres ten forza                                    

pra ser compartida.                                                        

Forza pra ser compartida                                            

con este pobo que espera,                                     

unha fe que teña erguida                                             

a esperanza desta terra.

 

- Xesús falou naquel tempo                          

palabras definitivas,                                                        

e precisan de nós pra ser                                   

palabras de vida.                                                   

Pra ser palabras de vida                                   

nesta terra, neste tempo,                                    

pra ser en amor vertidas,                                  

amor vivido en galego.

 

- Non queremos que esmoreza                               

a ilusión da mocidade,                                   

temos á man a mantenza                                   

pra que o futuro se gañe.                                  

Pra que o futuro se gañe                            

sementamos fe nos nenos,                                       

fe de amor e liberdade,                                         

fe en Xesús e no seu Reino.

 

- Colle a miña man, amigo,                           

ergamos as mans xunguidas.                             

Eu contigo, ti comigo,                               

poñeremos paz na vida.                              

Poñeremos paz na vida,                                        

paz de amor e de xustiza,                             

paz nun xantar compartido,                                        

paz na vida de Galicia.

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.