CANTOS DE ENTRADA

 

Este é o canto que nos introduce na celebración. CELEBRACIÓN é a palabra clave. Non esquezamos que vimos celebrar a unión con Deus e cos irmáns, Deus escoita co corazón, pero escoita a Igrexa, cantamos como se fosemos un. 

O canto de entrada fainos recordar que vimos cun so corazón, cun mesmo espírito para compartir a vida e o destino de Xesús; que se quixo facer irmán noso, e que se une a nós na eucaristía para falar co Pai.

Pero non esquezamos que cando cantamos estamos orando, que estamos dicindo cunha soa voz a nosa ledicia de reunirnos como familia canda o Pai, ... Que hai mellor para un pai que ver á súa familia reunida? Que hai mellor para un fillo que sentirse querido polo seu pai e polos seus irmáns? Levamos a esta festa a cada un de nós, coas súas preocupacións, cos seus erros e tamén coas súas ledicias e cos seus acertos... levámonos a nós e a os que están con nós na nosa vida, no noso pensamento, no noso sentir.

Acercámonos a dar unha grande aperta... Abride as mans !!

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.