COMA UNHA HUMILDE LABREGA
COMA UNHA HUMILDE LABREGA
(Arturo Gulías)
- Coma unha humilde labrega con zocas de cana e medias
é a Nai do meu Señor.
Un rostro de pan dourado sobre del pano galano,
teno a Nai do meu Señor.
Con mans de traballadora dentro da casa e por fóra
anda a Nai do meu Señor.
- Os pés que corren lixeiros dando o servicio primeiro,
son da Nai do meu Señor.
A ledicia dos sinxelos lonxe de trampas e enredos
pona a Nai do meu Señor.
O ventre que foi preñado e para Deus entregado
é da Nai do meu Señor.
- A ledicia do oprimido feita de pan compartido
busca a Nai do meu Señor.
A nai que pare en Belén e aloumiña ó seu recén
é a Nai do meu Señor.
Gloria ó Pai e gloria ó Fillo, gloria sempre ó Santo Espírito,
canta a Nai do meu Señor.