ESCOITANDO A TÚA CHAMADA
VÍDEO : www.youtube.com/watch?v=gY5hSX3VsNs
ESCOITANDO A TÚA CHAMADA
(Antón Fdez. León)
- Escoitando a túa chamada, emprendémo-lo camiño
que nos leva cara a Pascua do teu Fillo Xesucristo.
Cruzáremo-lo deserto, da túa man conducidos,
para atopa-la nova terra, que Ti nos tes prometido.
Ti vas conosco Señor, polo camiño,
animando a esperanza do teu pobo peregrino.
Ti vas conosco Señor, polo camiño,
coa luz da túa palabra, co teu pan e co teu viño
- Escoitando a túa chamada, aquí nos tes reunidos
para renova-la alianza que nos unirá contigo.
Selaremo-la promesa celebrando o sacrificio
coa entrega e coa ofrenda do sangue de Xesucristo.
- Escoitando a túa chamada viñemos á fonte viva
para calmar na túa auga a sede de peregrinos.
Renacemos túa vida polas augas do Bautismo,
sepultados ó pecado, vivimos en Xesucristo.
- Escoitando a túa chamada que nos pide converternos
hoxe voltamos á casa, Paiciño Bo, arrepentidos.
Trocaremos esta vida de pecado e egoísmo
en vida chea de amor a todos irmáns unidos.
- Escoitando a túa chamada viñemos á túa luz
desde a nosa escuridade, coma o cego do camiño.
Ilumina os nosos pasos, vacilantes e sen tino
coa labarada da fe, que guía o noso destino.
- Escoitando a túa chamada, viñemos á túa vida
Ti, que chorache-la morte do teu amigo querido.
Ti que nos dis que quen cre resucitará contigo
e verá a Vida eterna, esa vida que es Ti mesmo.