S.71 AGARDADE QUE CHEGUE (m)

 

 

AGARDADE QUE CHEGUE (S.71)

(Xabier Méndez)

 

Agardade que chegue o noso gran libertador,                                                         

hase doer do pobre e do necesitado,                                                                                      

sendo El a vida                                                                                                                         

de tódolos que se senten magoados.

 

- Dálle ó Rei o teu sentido, meu Deus,                                                                              

dálle xustiza ó fillo do Rei:                                                                                         

gobernará así a túa nación con xustiza                                                                    

tratando ós humildes con equidade.

 

- Traédelle montes a paz a esta nación,                                                                   

traédelle outeiros a xustiza.                                                                                                         

El será quen amparará ós humildes                                                                      

dándolle vida ós fillos dos pobres e reprimindo ós opresores.

 

- Durará como o sol e como a lúz,                                                                               

vivindo por séculos dos séculos:                                                                                      

será cal chuvia que cai nos pasteiros,                                                                           

cal chuvieiras que regan a terra.

 

- Ha de florece-la xustiza nos seus días                                                                   

haberá abundancia de paz ata que acaben as lúas.                                                          

El será o Señor de mar a mar,                                                                                                

desde o Nacente ata o Cabo do mundo.

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.