S.50 RECOÑEZO CON VERGONZA -Miserere (m)

 

 

RECOÑEZO CON VERGONZA (S.50)

(Xabier Méndez)

 

Recoñezo con vergonza  a miña culpa,                                                                         

noite e día teño diante o meu  pecado:                                                                                  

só a Ti, meu Creador, eu ofendín,                                                                               

merecía con dureza ser xulgado.

 

- Misericordia eu imploro, meu Deus,                                                                              

pois coñezo a túa infinda piedade;                                                                     

arríncame, Señor, a miña culpa,                                                                      

escorrenta de min o meu pecado.

 

- Dáme, meu  Deus, un corazón ben limpo,                                                                     

coa túa forza sanda Ti o meu espírito;                                                                          

non me alonxes para sempre da túa casa,                                                                           

non me deixes orfo e desvalido.

 

- Devólveme a ledicia de sentirme o teu amigo                                                                 

dáme alento para facerme xeneroso:                                                                 

mostrareille os teus camiños inicuos                                                                                

para que onda Ti volten os pecadores.

 

- Sóltame, meu Deus, a miña lingua pecadenta                                                          

para que eu volva a cantarche a Ti louvanzas:                                                             

pois non queres sacrificios nin holocaustos,                                                                     

aquí tes un corazón todo cheo de humildanza.

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.