Colaboradores

 

   Queremos da-las grazas a todos aqueles que quixeron compartir con nós os seus cantos ou cancioneiros, ós que nos enviaron os seus cantos coas notacións de guitarra e, como non, a todos os que con humildade axudan ós seus grupos e parroquias a celebrar con fe, ledicia e esperanza cristiá.

   Moitos dos que cantan nas parroquias non saben moito de música pero si de falar con Deus desde o corazón, e poñen ó seu dispor e ós da súa xente a súa voz, o seu tempo e a súa boa vontade. Especialmente a estos adicamos esta páxina web.

 

 A maioría dos cantos que se recollen nesta web pertencen ó cancioneiro galego máis utilizado e que nos foi facilitado por un dos seus autores; ós dous, Vicente Casas Trasancos e Xosé Fco. Martínez Reboiras, dámoslle-las grazas polo seu traballo, en especial a Reboiras por compartilo.

 

   Non podemos esquecer a amabilidade, a paixón e a paciencia de Xesús Portas, a colaboración desinteresada de Antón Fernández León e a xenerosidade de Víctor cos seus vídeos. Tampouco a ledicia que nos transmitiron desde a Comunidade Carismática de Caná, que compartiron con nós o seu cantoral en galego.

 

   Á parroquia de Coia (Vigo) e á parroquia da Franqueira (A Cañiza) por deixarnos engardir os seus cantos. E á parroquia do Sagrado Corazón de Vigo que nos enviou tódalas notacións musicais do seu cancioneiro.

 

   Desde Portugal ós Maristas, que nos enviaron o cantoral dos seus colexios, e por aí comezaremos a conectar cos irmáns portugueses.

 

   Moitas gracias tamén a Miguel Castaño, que nos cedeu algunha das súas fotos para a nosa música galega, imaxes con alma cristiá. Damos a benvida a Óscar Valado e agradecémoslle as novas aportacións e o entusiasmo que pon na súa música. 

 

   Eu, desde a parroquia de Santa Baia de Mondariz (Pontevedra), recollín estes cantos e engadín o pouco que puiden para compartilo con vós.

 

       

                                                                                                                                                                              Unha grande aperta. Nuria.

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.