QUIXERA SER COMA TI, XESÚS
QUIXERA SER COMA TI, XESÚS
(Antón Fernández León)
IREI CONTIGO, SEÑOR, ONDE QUERA QUE TI VAIAS,
ES O CAMIÑO DA VIDA NO QUE ME SINTO FELIZ.
A TÚA PALABRA É A LUZ QUE GUÍA ESTE CAMIÑAR.
É A VERDADE QUE CEIBA. EU CREO EN TI.
Quixera ser coma Ti, Xesús, por fogar ter as estrelas,
anunciar a Boa Nova nos pobos todos da terra.
Quixera ser coma Ti, Xesús, amigo dos nenos pobres,
carpinteiro de artes novas e sementador de flores.
Quixera ser coma Ti, Xesús, garimosos cos pequenos,
pregoeiro de ledicias e pescador entre os nenos.
Quixera ser coma Ti, Xesús, luz que aluma nos vieiros
daqueles que andan perdidos e se sinten forasteiros.
Quixera estar coma Ti, Xesús, á beira dos marxinados
para lles dicir contigo: “Sodes benaventurados”.
Quixera estar coma Ti, Xesús, presente nos seus camiños
e mostrarlles quen Ti es, compartindo o Pan e o Viño.