O MUNDO ARELA A SAÚDE

 
 
 

O MUNDO ARELA A SAÚDE

(Francisco Enrique Pérez/Antón Fdez. León)

 

1. O mundo arela a saúde, os presos a liberdade, 
os pobres claman xustiza, os tristes ser consolados. 
Os homes teñen un soño: vencer doenzas e males, 
vivir felices na terra e que a paz nunca se acabe.

REI DOS CEOS E DA TERRA, 
REI HUMILDE E REI SINXELO. 
GUÍAS TI TODOS OS POBOS 
GOBERNANDO O MUNDO ENTEIRO.

VEN AXINA A GUIARNOS, 
VEN COA PAZ E COA XUSTIZA, 
VEN A DEFENDER OS POBRES, 
PARA ENCHERNOS TI DE VIDA.

2. Deus trae un Reino de vida que vence as tebras da noite. 
Deus trae un Reino de graza que limpa toda maldade. 
Deus soña cunha familia aberta a todos os homes 
e cun xantar compartido na mesa da irmandade.

3. Precisa o Reino de Deus persoas fortes e nobres,
coa alma aberta ó Misterio, coas mans activas e limpas. 
Está petando na porta o Deus paciente e humilde. 
Invita a ser xornaleiros, a traballar na súa viña.

4. O Reino de Deus agarda dos homes boa acollida; 
sendo moitos os chamados, son poucos os que se animan. 
Pero coas mans deses poucos faremos a sementeira 
que agromará para o mundo en abondosa colleita.

5. O plan de Deus para o mundo comeza sendo semente 
que, ao xermolar, faise planta, unha árbore grande e rexa. 
O Reino de Deus agacha dentro de si tanta forza, 
a forza mesma de Deus que triúnfa e sae vitoriosa.

 

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.