CANDO CAE A TARDE (m)

 

 

CANDO CAE A TARDE

(Mª do Carme Villar)


 

Cando cae a tarde, Deus,                                          

xuntámonos na oración,                                                                  

e o mundo enteiro en nós canta                                              

que Ti es fiel e Ti es bo.

 

Es fiel noso Pai no amor,                                                      

Xesús é fiel no perdón,                                                                   

o alento dos dous                                                      

o Espírito                                                        

segue fiel na oración.

 

Bendito Deus entregado                                                         

ó pobo sen condicións,                                                   

bendito Deus entrañado                                                    

cos pobres feito paixón.

 

Bendito Pai polo home,                                                        

que polo pan traballou;                                                          

bendito Pai pola terra                                                               

que os seus bens nos regalou.

 

Bendito sexas, Xesús,                                                      

pola xente que loitou                                                             

canda Ti durante o día                                                           

por unha terra mellor.

 

Bendito sexas Espírito                                                               

polo lume que quentou                                                              

ós que aterecen de frío,                                                                       

ós  que viviron pro amor.

 

Que a terra cante serena                                                       

nesta hora a túa canción,                                                           

que o pobo chegue valente                                                                           

a fe na resurrección.

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.