PRETO DE TI, SEÑOR (m)

 

 

PRETO DE TI, SEÑOR

(Ramón Cabanillas/Mason)

 

Preto de Ti vivir quero, Señor,                                                                                

anque deba sufrir na cruz da dor.                                                                              

Ledo no meu sufrir hei de cantar así:                                                                              

máis preto quero estar, meu Deus, de Ti.(2)

 

Se camiñando vou, sen atopar,                                                                                            

o mundo ó percorrer, doce fogar,                                                                               

 verei o ceo brillar e soñarei así:                                                                                

axiña chegarei, meu Deus, a Ti.(2)

 

Con pedras do penar hai de labrar                                                                            

para o meu amado Pai un sagro altar                                                                                  

e as miñas afliccións xugo serán que así:                                                                     

máis preto hanme levar, meu Deus de Ti.(2)

 

Escóitanos, Señor, abre as túas mans,                                                           

acóllenos, Señor, na túa paz.                                                                                                                            

Co teu grande valor, amóstranos, Señor,                                                                     

que Ti estás aquí, preto de nós.(2)

 

E cando ó pazo teu me mandes ir,                                                                     

deixando todo atrás, hei de subir.                                                                             

Voando cara ó ceo, irei cantando así:                                                                       

agora vou gozar preto de Ti.(2)

 

 

Contacto

Nosanaicinhadoceo

PARA PEDIR PARTITURAS OU O QUE SE NECESITE, ESTE É O MAIL DE CONTACTO. ESTAMOS PARA AXUDAR.

UNHA PETICIÓN

Moitas veces os grupos e parroquias recollen nos seus cancioneiros a música que van aprendendo e recollendo de diferentes fontes. Moitas destas cancións, por unha ou outra razón, van perdendo a autoría o que é unha verdadeira mágoa. Disfrutamos dos cantos, pero non dos autores, e xa que con esto da música non é fácil que a xente gañe cartos (si, os músicos tamén comen) e moito menos se é música relixiosa e, por riba, en galego; polo menos desde aquí queremos que os seus esforzos e o seu traballo queden recoñecidos.

Non é por falta de interés que algúns destes autores non aparezan nos cantos, xa que intentamos buscar e preguntar por diferentes medios. Tampouco é fácil conectar cos autores da nosa música, nin no facebook (supoñemos que moitos deles non están sequera conectados).

É por iso que queremos facer unha petición ós autores, ós seus grupos, ós seus familiares... que se poñan en contacto con nós para indicarnos os cantos dos que sabedes, de seguro o autor. Hai varios nos que aparecen o grupo que cantou os seus cantos ou simplemente aparece como "popular", ... precisamente para eses pedimos a vosa colaboración e que ninguén se sinta ofendido por non ver o seu nome.

Por outra banda, queremos deixar claro que nesta páxina non gañamos nin un peso coa música que aquí aparece; para nós este é o noso cancioneiro e a nosa parroquia toda Galicia, e con todos queremos compartir. O noso labor só é divulgativo... porque ese é o valor principal da Igrexa na que cremos, a solidariedade, compartir o que temos e o que somos.

Inda así sabemos que hai xente que non é partidario deste labor, polo que, se alguén non quere compartir con nós a súa música, retiraremos as súas composicións desta web se así o pedise.

Graciñas a todos.