SAÚDE, CLARA ESTRELA
SAÚDE, CLARA ESTRELA
(X.Portas Ferro-Isauro García Ramos)
SAÚDE, CLARA ESTRELA,
PRECURSORA DO DÍA
QUE INAUGUROU A ERA
DA NOVA CREACIÓN.
SAÚDE, A TI CANTAMOS
VIBRANTES MELODÍAS
A TI QUE FUCHES CANDELA
DA NOSA REDENCIÓN.
Feliz te proclamamos con cantos de alegría,
feliz han de chamarche futuras xeracións.
Feliz por teres crido na mensaxe divina,
feliz por escoitares as verbas do Señor.
En ti, muller bendita, Santísima María,
verteu o alto Ceo os mellores dons.
En ti confía sempre a Igrexa peregrina,
en ti consolo encontra na dor e na aflicción.
Ó Pai eterno, gloria; o Fillo honor reciba;
o Espírito divino igual gloria e honor,
e Deus, Trinidade Santa, no derradeiro día
a todos nos conceda eterna salvación.